2009年2月25日 星期三

梓瑩今日打針

老公尋晚出完trip返嚟喇 佢个客送咗个金嘅小天使比阿囡,好得意架  今日帶咗阿囡去健康院打乙肝第2針,原本想打6合1,1來阿囡可以打少幾針,受少d苦,2來私家d疫苗比政府好.但我問过兒科医生,佢話返健康院打咗乙肝第2針先会比較有效,到bb2个月至去診所打5合1都末遲.我心諗医生無理由有錢都吾賺架? 所以我亦聽佢講今日帶梓瑩去健康院打針.去刭健康院,又係好多人  除晒衫磅重, 嘩 梓瑩又重咗喇!星期六磅只係9磅14安士,今日竟然係4.54kg,即10磅多少少! ヌ破紀錄喇  打針既時候,我好驚!我驚我会見到梓瑩喊,我ヌ喊埋一份,所以抱梓瑩ge重責就交比老公,我就企係旁边預備隨時backup! 个姑娘好似睇都吾洗睇咁,1針拮落梓瑩个大脾度,梓瑩即時大喊! 好彩喊咗1分鐘左右就收声喇 雖然姑娘話呢針吾会令bb發燒,但我都係好吾放心,呢幾日会多d留意阿囡

可愛"大"腳仔
ヌ問daddy攞4百万喇 !!

2009年2月18日 星期三

梓瑩滿月宴

梓瑩滿月喇! 為咗吾想阻住各位親朋戚友过情人節,特登提早係2月13号為梓瑩擺滿月.嗰日梓瑩好乖,6點鐘就碌大对眼見人,到入席時佢就瞓覺,到敬酒時佢就醒咗,眼仔碌碌咁同親戚朋支影相,撑足半个鐘有多至瞓着! 令我兩公婆最意想不到ge係,阿囡咁細个就識幫我哋賺錢,酒席吾洗蝕之餘,仲賺番洒席ge 2陪錢tim呀! 嗰晚我鍚阿囡都锡多2啖呀 另外,仲有金鏈同玩具

啲菜都吾錯呀,地方又夠大,ヌ有海景!
一家三口影張先
同舅公一家! 另外个BB叫睛晴 (Josie) 佢得2星期大ge時候,我去佢屋企探佢,
抱过佢之後1星期左右就發現自己有咗喇!
吾肯上鏡ge BB係我弟婦个囡,叫海盈! 佢5个幾月大喇,可能出牙仔令佢吾舒服,所以扭計仔 lor
婆婆送ge鑽石十字架
Zara 裙仔,我好鐘意呢條裙仔,梓瑩着咗佢一定好cute
ヌ係婆婆送ge礼物 ~ 金鎖匙

2009年2月16日 星期一

Daddy 換片片

我見其他BB換片嗰時都喊得好緊要,好彩梓瑩換片吾会喊啫! 佢好picky架,條片濕咗少少就扭計要我哋幫佢換架喇,吾通有潔癖?
等daddy嚟換片先! daddy近排ge口頭禪係" 換片係我ge强項"  既然佢咁講就多d叫佢換 lor