2010年3月24日 星期三

梓瑩智識宝庫又有進漲

今个星期梓瑩又學咗新嘢喇 !

1) 玩小明,小小明,梓瑩識講"明"字,又識左手,右手,双手咁同我一斉拍,當我拍住講 "上上,下下,左
    左,右右..........." 雖煞佢仲未跟到我一齊上下左右,但佢竟然会搖吓搖吓身体,真係好搞笑 XDD

2) 識自已去歺枱攞餅餅盒叫我開,我会要佢講 "媽媽,俾俾,餅餅,謝謝" 佢都好乖咁講晒





第一次上Playgroup

< Mar 20th, 2010 ~ Sat >

幾經辛苦,終於幫梓瑩插到隊上第一次playgroup,上堂既地點係銅鑼灣,以gym為主.由於我哋早咗45分鐘到,梓瑩已經完全warm up咗,不停四圍跑,又尖叫 @@" 到正式上堂時,有d动作係要小朋友坐係媽媽大脾,但梓瑩完全吾肯坐,要四圍走,初時學跑同跳都仲肯做,但當做打關斗同玩高低剛,梓瑩開始驚,完全吾肯做,仲喊 tim,可能因為幾个月前係我張床跌過落地,有陰影啦! 到最後玩波波池同踢波都好勉強,因為佢開始扭眼瞓喇. 今次上堂並吾順利,嚟緊星期六会上另一个playgroup,希望会好d啦!










































2010年3月17日 星期三

鍚鍚媽媽連環圖

< March 16th, 2010 ~ Tuesday >



遊科學園

< March 14th, 2010 ~ Sunday >

今日天氣温暖,又係郊遊好日子喇! Daddy提議去科學園,去到先食个lunch,佢吾到快歺ge水準又吾錯wo  Xp  食完嘢就行去海边俾梓瑩自由四圍行,四圍跑. 个儍豬行一陣都成个背脊濕晒, 玩咗一陣,Hayley姐姐都嚟咗,不過佢瞓着咗,等咗好耐佢至瞓醒,兩个小朋友又玩一歺,玩到4點,由於天氣有d涼,於是就移師陣哋去我哋屋企玩,Hayley最終意玩梓瑩个波波池,玩得好開心呢^^

夜晚,我哋帶咗梓瑩去apm食飯,食完飯又去咗揀鬆馳熊,梓瑩ge鬆馳熊宝庫又多一个新成員喇 ^_^ 臨走時巧遇Alina姐姐一家,Alina好活躍,跑嚟跑去,可能佢想去Log-On shopping 呀 XDD 傾咗一陣又影吓相,我哋就返屋企喇.就係咁又過咗好sweet ge 一日,期待下一个weekend再次帶梓瑩去玩,已經預約咗舅父Dick & Mag姐姐去歷史博物館,希望吾咗有变啦 @3@


好鈡意同路人甲乙丙 say hi  bye ge 梓瑩






Chelsea & Hayley



2010年3月10日 星期三

遊動植物公園

< March 6th, 2010 ~ Saturday >

我小學時曾經去动植物公園旅行,所以好想帶梓瑩去行吓.我只係依希記得个銅像同噴水池,其他就乜都吾記得 XD  估吾到呢度真係有咁多动物,有梓瑩最愛ge "bird", 仲有猿,猩猩,狸貓 ............... 睇到梓瑩好enjoy ^^

睇完动物之後,就去咗噴水池玩吹肥皂泡,梓瑩追住d波波嚟拍,我哋仲俾佢試吹波波,估吾到佢又識吹wo,其实真係有d驚佢啜架,好彩佢明白我哋講咩乍 ^_^

就係咁就玩咗一个下晝,希望天氣快d回暖,咁就可以多d帶梓瑩遊公園喇 !



















2010年3月3日 星期三

反轉反斗城

< 27-Feb-2010 ~ Sat >

今日天氣好熱,下晝成26,27度,所以提早咗幫梓瑩換季,幫佢着咗條波點裙,條裙仔係朋友係美国買ge,梓瑩着咗真係成个少女咁,好靚女 ^_^ 就連佢自己,都指住條裙同我哋講"令令",笑到我同工人碌地 XD 估吾到人仔細細就咁貪靚,再大个d點算 ??!!

我哋去咗沙田行街街,先食unch,梓瑩依加明顯食多咗大人嘢,佢可以食到大人碗份量ge半碗飯,鷄肉同生果.我俾咗件星星形ge楊桃佢食,佢又出奇地鐘意,仲不停問我攞tim ^^ 食完嘢就去行一田同反斗城,我俾佢係反斗城自已行,諗住俾佢自已揀玩具,佢真係老实不客氣四圍試玩,我哋見佢樣樣玩暈晒都仲未有心水,於是就抱佢走人,佢亦無扭計wo, 真係乖囡.

係反斗城附近有d茶柸型ge梳化仔,我俾梓瑩坐上去影相,當我叫梓瑩坐另一个茶柸仔梳化時,有个大概4歲女仔飛樸埋嚟坐咗上去,仲用英文同梓瑩講呢个梳仔係佢坐既,但梓瑩反而以好有善ge眼神望实佢,我真係有d嬲 >L< 一睇就知梓瑩係bb啦,點解一d 礼讓都吾識? 於是我叫梓瑩坐另一張梳化仔嚟避開佢.既然佢父母吾識教,我亦無謂出声.其实我仍然好介懷呢件事,因為我怕第時梓瑩返学会俾同學仔蝦,因為我讀小学時曾經俾男同学用田鷄嚇到喊,嚇到我以後都吾食田鷄!

行完反斗城,就去咗Snoopy World,梓瑩行嚟行去,又識递高隻腳上樓梯,因為佢想上架snoopy巴士.行咗一陣,我哋就返屋企喇.係車度,梓瑩用玩具打我个頭,雖然我吾痛,但一定要借呢个机会教佢,於是我大声話 "唉吔,你打到媽媽好痛,你吾可以打人架......." 我都吾記得鬧咗d乜喇,因為梓瑩見我咁惡,佢即時叠埋手放係自已大脾,然後垂低頭,我靜咗5分鐘,佢就足足5分鈡都吾敢郁,我吓佢,佢眼仔左右望,完全吾敢抬頭望我,嗰刻我真係好想笑出嚟,因為我佢吾到佢会驚我鬧 XDD
之後,我同佢講吾可以打人架..........  再叫佢錫番我,佢錫完就即刻笑番.呢个囡原來真係大个咗,我哋講ge大部份說話佢都明白架 ^_^