2010年6月29日 星期二

姑姐生日dinner

< June 26th, 2010 ~Saturday >

今日為姑姐做生日,我哋係 Marco Polo Hotel 食buffet, 呢度都算多嘢食,我食咗8隻生蠔,應該回本喇掛 =3=  至於梓瑩,雖然佢係免費,但佢都好吾客氣係咁食同係咁倒亂... 食到尾声,梓瑩同家姐仔都吾再願意乖乖坐低,所以我哋幾个大人唯有輪流係洒店門口ge商場陪玩. 食咗3個鐘,抱住個大肚腩返屋企喇 ^^












2010年6月21日 星期一

Father's day

< June 20th, 2010 ~ Sunday >

今年係梓瑩第二个過ge father's day,不過就係佢識講嘢以嚟ge第一个較為有意義ge father's day. 我亦教佢同爸爸講" 爸爸,父親節快樂" 再啜爸爸一啖,爸爸即刻吾記得晒梓瑩d曳嘢lu =D















2010年6月17日 星期四

端午節

< June 16th, 2010 ~ Wednesday >

梓瑩今朝比平時晏咗1个钟起身,梳洗過後就食粥,食糭同食餅干.中午冲完涼就去咗馬騮山餵馬騮,我哋今次帶咗好多餅干,d馬騮好醒目,行到好埋我哋架車,仲企到好高,好直,睇吓我哋係咪有嘢俾佢哋身. 梓瑩睇得好開心,仲不停手指指.我哋見真他人餵生果, d馬騮好似钟意生果多d,爸爸話下次可攞d爛生果嚟餵佢哋wo @@”


餵完馬騮就去咗tea,之後就同叔叔,嬸嬸,家姐仔去牛池灣警察宿舍睇樓.呢度環境清靜,應該會幾好住,只係交通吾方便,好似只有綠巴去觀塘同坪石地铁站,其他商舖亦欠奉,要買嘢,就要搭車出去買. 呢度間隔好實用,高層環境好正,如果攔到維港煙花境就perfect喇 ^_^ 不過嬸嬸話要睇吓家姐仔考吾考到德望K1至决定搬吾搬wo,如果考吾到就一定吾会搬過嚟,因為太吾就腳 ! 睇完樓,令我覺得呢个社会好吾公平 >L< 同一條街有曉暉花園,警察宿舍同最新ge樓盤峻弦, 警察宿舍同峻弦相隔一條街或一條馬路都無,三个屋苑面對ge view又差吾多,實好難明佢賣過萬元尺ge理由 ??!!



睇完樓,就去咗我哋屋企玩,因為住晚要去爺爺嫲嫲度做節.兩姊妹玩得好開心,仲不停講嘢好有交流 ^_^ 就係咁過咗一日假期 !!














2010年6月15日 星期二

金山郊野公園 / 小白鷺歺廳 / 餵山羊 < June 13th, 2010 ~ Sunday >




歡迎大家今日參加我哋”梓瑩旅行社”ge半天遊. 行程起點係同公公飲茶,由於我哋个導遊小姐Chelsea太早起身ge關係,團友們用歺ge同時,佢就瞓个晏覺 @@” 瞓醒覺仲扮怕醜,僕係我度仲双手遮眼,真係俾佢激親 ^^

食飽飽就即興去咗金山郊野公園睇馬騮,我哋只係停係停車場,因為d馬騮一d都吾怕人,仲跳上个停車咪錶度等食tim @~@ 由於我部GF1係定焦鏡,我只好慢慢行埋隻馬騮度影佢,影咗兩張,佢实然衝埋我度拍我隻鞋,真係俾佢嚇死 @L@”” 基於安全理由,我吩咐所有團友上返車,以最安全ge方法嚟睇 ^^” 雖然大字標題寫住餵馬騮会罰款1万,但眼見其他人都餵馬騮,有團友問我有無餅干,經導遊小姐Chelsea同意下,班團友用晒Chelsea盒餅嚟餵馬騮 @@” 咁啱有架7人車停係我哋隔離,車上面有3,4个小朋友,似乎佢哋有備而嚟,因為佢哋帶咗大量餅干同朱古力餵馬騮.呢班Monkey好聰明,意然識搣糖紙. Chelsea都睇到眼定定,我哋離開咗金山郊野公園,佢仲要企係車窗旁边扮餵馬騮,仲要加埋配音 ”Um” ^_^

下一站係小白鷺歺廳,由於是日下晝有婚宴,工作人員正忙於收拾,我哋要等一等至可以去餵羊,所以我哋先去食个afternoon tea, Chelsea 又可以食薯條喇 ^_^ 食完tea就去餵羊,有d山羊好懶咁坐係度,有d就為爭食而打交 @@” Chelsea初時都怕餵羊,但見我哋係咁餵,佢終於都試餵喇 ^^ 就係我努力尤說Chelsea餵羊ge同時,我双腳非常十分痕,最後我俾d黑色小昆虫咬咗26粒,好痕呀! 不過好彩無咬到Chelsea ^^ 咬我好喇,吾好咬我个女呀 xLx 由於我幫一眾團友擋晒d昆虫,我要求立即離開.

我帶住26粒又紅又腫又痕ge双腳同幾位團友去咗荃新天地,呢度有冷氣ヌ舒服,真係好 =D 有兩位團友係度買咗幾架車仔,係佢哋自願架,吾係join咗購物團 !! 仲幫我哋慳咗car park fee tim ^^ 行咗一陣,扭埋蛋,就去咗KFC 食少少嘢, 我同Chelsea share一支粟米,佢仲試咗3啖可樂,不過對佢嚟講,似乎吾太好飲,咁就好喇,以後無人同我爭喇 XDDD

行程尾站就係接婆婆放工&去公公婆婆屋企食飯. 有咁多人陪佢玩,我同爸爸都可以好嘆咁吔飯 XDDD 食完飯之後,就返去覺覺豬喇

是日行程完畢,祝大家旅途愉快 ^=^