2008年9月6日 星期六

胎動

由18周初開始已輕微感到胎动,最初吾太肯定,只係覺得好似有人係肚入面敲个肚皮.但今朝11點幾,18周6日,突然有3下好大力,用手摸个肚都感覺到弹咗一下!好得意 我好肯定係阿女郁緊!  呢种感覺好奇秒,摸住个肚会由心裏面笑咗出嚟,吾知阿女係我肚入面做緊セ呢? 打关斗定申懶腰呢

2008年9月5日 星期五

結構超声波

之前係forum見到頗多孕媽媽係結構超声波發現bb有腦水腫,被逼忍心接受流產手術.尋日朝早到我去做結構超,幾個星期前已經好擔心,因为老公有乙肝,食药超过一年,雖然上个月再check乙肝旨數已經低过正常人(即可以話再無乙肝)但有bb時始終係食緊葯.而我發現有bb前一星期曾大感冒,中西葯都食过,所以真係好驚会影响到bb!
尋日到襲医生診所,入到房个姑娘叫我瞓係床等医生,等咗10分鈡,呢10分鈡实在好折磨,係度諗如果bb有事咁我點算??  諗諗下医生就入咗嚟,番上次oscar嘅報告話旨數幾低,幾好丫!跟住就開始照結構. 首先照个頭,size正常,再个腦,医生望住个mon無出声幾秒,當時我真係好驚,好驚.... 跟住医生話"無腦水腫,好正常" 跟住心臟,左心室,右心室,左心房,右心房,医生又停一停,再話"正常,無心漏",跟住再肝,胃,腎,手腳,數手指,腳指,再鼻,咀,再話無免唇! 我终於都安心喇! 跟住再pat pat,係 ~ 女仔,阿女好乖,無夾住大脾吾比医生睇! 最後医生話bb身体旁边有條簿幕,都幾粗,都吾会影响bb,就算影响都係初期影响咗,因为驚bb手腳插咗入去会kick住咗,但衣家bb咁大就吾会再有影响.上星期我个婦科医生都睇到,佢當時問我平時月經多吾多量?其实一般啦,不过最後2,3日嗰d係啡色,小小咁lung住.吾知係咪因为d月經吾靚令到有條薄莫係入面.不过医生話無問題.既然2个医生都話吾会对bb有影响就吾須耍擔心.好開心bb会係一个健康小宝宝!
** Facebook 朋友,pls click查看原,有相睇!!
呢个係頭仔,size正常,無水腫

鼻同上唇,無兔唇!

上面嗰長係脊骨,下面係胃

心臟 ~ 心跳正常

我最鐘意呢張! 係阿女个pat pat,可能佢特登分開D腳比医生睇清濋d.真係乖女!!

數腳指 ~ 1,2,3,4,5 齊晒 :-)
雖然$1400真係幾貴,但知道阿女健健康康都抵番  掛住阿女時,可以番隻dvd,住佢郁下郁下好得意 !