2011年1月19日 星期三

Yahoo Blog


                                         
梓瑩: 2歲大lu! 由於我媽咪日忙返工,夜忙應酬我.如果想繼續睇我ge靚相同日常生活,麻煩稍移玉步去Yahoo Blog ^_^

                                   http://hk.myblog.yahoo.com/evac717

2011年1月14日 星期五

識唱 I Love You Song 嘅 Barney

< January 13th, 2011 ~ Thursday >



今日去反斗城買嘢,竟然俾爸爸發現咗識唱 I Love You Song 嘅 Barney, 我同爸爸諗法一致  " 一於買俾梓瑩 " ^_^ 包裝盒有个窿,有个Try Me箭咀指住Barney个肚,當時只係唱咗頭一句同最尾一句,一路行返屋企,我就一路襟 … (可能係我自已想要多d XDDD) 返到屋企,並無第一時间俾梓瑩,佢依舊好開心咁跳吓跳吓嚟迎接我同爸爸,big hug 完, 咀咀完,我至攞Barney出嚟,佢即刻双眼發光,好彩仲記得講 Thank You Mami ^_^ 我拆咗个盒,見到一條膠條係Barney背脊,原來要撕走膠條至會唱晒完整版本.我哋成晚都係度唱 I love you, you love me, we’re best friend like friend should be, with a great big hug and a kiss from me to you, won’t you say you love me too …………………….









2011年1月10日 星期一

西九踩單車

< January 10th, 2011 ~ Sunday >


今日ヌ約咗Dick Dick, Mag Mag 出动,先去馬騮山,可能未到開飯時间,只有馬騮三數隻,所以我哋都落晒車睇! 之後就去咗西九海濱長廊踩單車,吹泡泡,梓瑩仲克服咗打迁秋恐懼症tim,真係大个囡喇.由於係海边,太陽未收工都己經越坐越凍,又怕凍親乖囡,只好將自已身上僅余ge頸巾都俾埋梓瑩.佢玩得開心,我吾介意捱凍捱一陣咁多啦 xp

梓瑩今日收到Dick Dick Mag Mag 送ge生日礼物,係Mickey Mouse 玩具吸塵機,不過夜晚返到屋企至知無电,唯有今日放工去買电至返屋企試机啦 ^_^ 除住梓瑩今日收到第一份生日礼物,亦即係正式進入梓瑩2歲生日ge最后倒數階段 ~ 仲有5日 ^_^


















2011年1月3日 星期一

DisneyLand Hotel 飲茶

< January 1st, 2011 ~ Saturday >

新一年,新開始,一於食豪d  XDDD  今朝一起身即call埋家姐仔去DisneyLand Hotel 飲茶. 9點打去,都要2點至有位,真勁! 去到酒店,先同Micky, Minnie 銅像影相,影完相就埋位喇.个waiter話好多卡通做型點心都賣晒,仲催我哋快d落order,又話如果其他客吾要卡通做型點心,佢會即刻hold俾我哋,點知卡通做型點心越攞越多 ......... 不過,真係估吾到呢度d點心又好好味wo ^_^ 呢歺真係食得好飽,比起平時,我真係食咗好多! 希望日日都好似10年1月1日咁歺歺豐足  ^L^  我哋食得飽, 廸廸尼亦都好飽,我哋5大2細食咗$1500,我的確俾張單嚇親,不過見大家咁開心,尤其兩个小朋友,一見卡通點心嚟,就"嘩",咁興奮,我都樂意找數 ^_^

飲完茶,行過對面就係賣玩具ge好地方,椊瑩揀咗Minnie 大公仔,我揀咗迪士尼卡通造型蠟筆蠟筆同髮夾(俾梓瑩). 家姐仔爸爸吾俾買玩具,所以我哋買多1盒蠟筆同大公仔俾佢做新年礼物.雖然屋企真係好多公仔,但佢哋擁有新公仔嗰种喜悅,係真情流露架. 都係嗰句 ~ 小朋友開心就得喇 ^*^






 
                                                              梓瑩: Mami, 我要Mickey 黑森林蛋糕

Yummy !!


梓瑩: Mami, 食嘢喇,吾好影啦



                                               
                                                           海盈家姐: 咁耐仲未有得食架


米奇蘿蔔糕,芋頭糕


                                                              四眼雞丁蓮蓉包 & 豬仔叉燒包

 四眼雞丁蓮蓉包


                                                              豬仔叉燒包

                                                                      米奇簿餅

                                                        
                                                                          米奇芒果布典    
                                                                 梓瑩: Minnie同我差吾多高乍

                                                                  兩姊妹: 我哋差吾多高架