好朋友

< April 10th, 2011 ~ Sunday >




今日爺爺家拜山,小朋友不适宜去,所以家姐仔同嬸嬸留係我屋企玩,玩咗一整日. 連晏覺都吾願瞓,攰到係嫲嫲屋企晚飯時就瞓咗,下過梓瑩好醒瞓,一放佢落姑姐張床就醒,於是只好一齊食飯.


嬸嬸買咗个鬆弛熊食物包俾梓瑩,兩姊妹一人拎一个,好可愛 ^_^ 夜晚,輪到Cotton做梓瑩好朋友,今次係梓瑩主动要同Cotton 影相架 ^_^

香港歷史博物館

< April 5th, 2011 ~ Tuesday >

今日相約 Dick Dick Mag Mag 同遊香港歷史博物館、因為爸爸想睇辛亥革命100周年紀念嘅展覽.大概一年前帶梓瑩嚟過,當時佢好驚啲人形公仔,今次佢巳經吾再驚,仲玩得好興奮添呢 ^_^

                                                                         舅父Dick又想嚇人喇

                                                                又有路人甲埋嚟攝位影相喇 @@”

梓瑩終於冲破心理障礙 ~ 肯同Mickey, Minnie 合照

< April 2nd 2011 ~ Sunday >




每次去DisneyLand我都会問梓瑩同Mickey Minnie 影相好吾好,但佢每次都會拍晒心口話驚驚,然后拉我走.今次原本都係一樣,但我爸爸不停尤說佢,佢最終都話好,其实我好怕佢影相時會大喊,好彩無乍,仲同Mickey give me five 添 ^_^ 而Minnie一見攝影師舉机就9秒9撟我隻手,好似好假咁,令我感覺不太好呢 >L< 我同梓瑩講好咗下次一定要同Duffy 影相,佢當日重复好幾次 “ 好呀, 同Duffy影相 “ 已經約好咗嚟緊星期六叫埋Dick Dick, Mag Mag一齊去,因為 Annual pass Member 可以請一位朋友免費入園.梓瑩可以同Dick Dick Mag Mag 一齊入DisneyLand 玩,一定會好開心 ^_^

                                                      我被Minnie 突如其來嘅撟手嚇親,笑得好生硬呀

Chelsea : I'm 2 years old

Chelsea’s first Singapore trip ~ Day 3.

< March 26th 2011 ~ Saturday >




梓瑩可能玩得太攰,朝早6點半餓醒咗飲奶,吾洗10分鈡又極速瞓着,瞓到9點俾我吵醒,因為要排隊食早歺,又要上Sky Park 游水,時间好趕 ^^ 可能今朝遲咗,排早歺條龍吾算太長,排咗一陣就有位! 梓瑩不停食可可片,因為香口. 个型仔西人經理嚟聊梓瑩 ^^ 食完早歺就到Sky Park 游水,好似比想像中細咗d! 今日天陰又大风,但梓瑩堅持要落水,唯有比佢玩吓,玩咗大半个鈡,就返房冲涼,執行李check out.

乜都要排隊,好彩有express check out box, 只要將房卡掉入个箱,佢哋發現客人有用雪櫃歺飲會自动係credit card 扣款.我諗應該都信得過ge,不過爸爸一定会check bank statement !!

Check out 后去咗Suntec City 食lunch, 一落Taxi, 又覺得熟口熟面,原來之前嚟過! 食完lunch,為咗安撫耐心等待ge梓瑩,同佢玩滑梯同电动車. 然后shopping主攻童裝/玩具,就係咁,吾洗30分鈡,買咗二千六百幾元衫俾梓瑩,d款的確好靚,所以都覺值得! 行咗一陣ヌ覺得好似無セ嘢啱我哋,於是又打的去返Vivo City, 遇着劉德华係度宣傳Osim 天王椅,行行吓梓瑩瞓着咗,於是我哋只好四圍慢慢行,見到间專賣寵物用品店 Pet Safari, 買咗支药性洗耳水俾Austin同買咗包小食.不知不覺梓瑩瞓咗个半鈡,臨去机場前帶梓瑩到Vivo city 嘅嘻水池玩水,食埋肉骨茶就去机場,準備返香港.

話咁快,3日2夜行程就咁就完咗! 總括嚟講,梓瑩全程好合作,好乖,話瞓就瞓,完全無扭計.即係話,我可以plan下一个trip喇 ^_^ 5日4夜, 6日5夜或者再長d都可以 ! 原本target係日本,不過哋震過后,短期內都吾去得,所以衣家頭痛嘅係地點,而吾再係担心帶住阿囡会好煩,吾方便 ^_~