年初三 ~ 迪士尼半日遊

< 16-Feb-2010 ~ Tuesday >

今日帶咗梓瑩去迪士尼, 12點半出發,1點到步,全日泊車費$120,真係貴! 以為眼見既私家車吾多,就吾会逼人,點知入到去係勁多人,尤其係国內人 @@"


一去到係揾地方医肚,估吾到連食飯都要排大隊,仲只可以叫套歺 @~@ 个歺都ok啦,有个燉湯,梓瑩飲咗一半有多,又食飯又食魚,都算食得多喇 ^_^ 食完飯已經3點,3點半有巡遊,所以我哋去霸定个靚位,等候期間,梓瑩要四周圍行,我拖佢同圍行既期間,daddy去咗買popcorn,仲話點解吾係好似東京迪士尼嗰d咁,有个靚筒載住?梓瑩好鐘意食popcorn,不過吾敢俾太多佢食 ^^ 行咗一陣,食咗一陣,巡遊終於開始喇! 梓瑩好钟意睇,尤其係見到 Mickey, Minnie 同 Donald duck,佢不停指住,架車走咗,佢仲令轉頭不停望 ^^

睇完巡遊,就去排隊睇 The Legend Of The Lion King, BB車要放係排隊入口處,我就要抱住梓瑩成20分鐘係度等, d 国內人眼見我抱住bb都仲要推,真係吾知佢哋諗乜 >^< 我覺得排隊呢一點, DisneyLand 有改進空間@~@ 个show一開始,梓瑩並無俾音响嚇親,仲係睇到一半時瞓着覺,瞓到完show,我抱番佢出去瞓BB車,佢都仲瞓緊 @@" 於是我哋就去shopping,由於我俾daddy住,只可以買到幾樣嘢乍 +~+

等到梓瑩醒咗,我哋就去咗美心食晚飯. 食完飯只係7點,但開始落毛毛雨,所以顯得特別凍,原本想睇埋9點場煙花至走,但真係驚凍親梓瑩,買埋个閃燈氫氣球俾梓瑩就走喇! 上返架車,温度顯示只有9度,我諗係樂園入面只有6,7度 @@"

雖然我哋無乜玩過樂園既遊戲, 但見梓瑩睇巡遊睇得咁開心,揀礼物又揀得開心,我都覺得係值得既,下次等天氣無咁凍,再揀平日同梓瑩再去過 XD

年初二團拜

< 15-Feb-2010 ~ Monday >
梓瑩年初一輕微発燒過後,初二朝早起身乜事都無,我即刻放心晒! 今日同爺爺嫲嫲全家一齊去拜年,今日天氣好凍,令我好担心会凍親梓瑩令佢又病,好彩無事 ^_^

年初一 + 細佬生日

< 14-Feb-2010 ~ Sunday >

2月14号除咗係大年初一同情人節之外,仲係我細佬生日! 梓瑩10點半起身,但佢个樣吾多妥,有少少燒,好彩有退燒葯看門口,食咗就好咗d. 7pm去咗婆婆度食飯,因為阿叔全家都嚟拜年,一齊食飯,一齊同我細佬慶祝28歲生日.好彩梓瑩食過2次药,都退晒燒.  ^^

年廿九 ~ 爺爺生日

今日係年廿九,亦係爺爺生日,全家人都返晒西貢食飯慶祝ｏ 今晚梓瑩食咗一大碗飯,鷄肉同魚肉仲有第一次食金莎朱古力 ^^  食咗幾啖,爺爺仲不停引誘梓瑩,但我哋同梓瑩講 No,好彩梓瑩好聽吾,吾受引誘,真係乖女 ^3^

家姐仔啱啱病好,不過个樣仲係病病哋

叔叔,嬸嬸&家姐仔

爺爺,嫲嫲,家姐仔&梓瑩

開始放假喇

< Feb 12th, 2010 ~ Friday >
今日開始放農曆年假喇 XD 今日去咗CWB 千両食lunch, d 嘢嘛嘛哋,好少選擇 >L<  之後就去咗行維園年宵,今年好多鬆弛態,所以我哋買咗好多俾梓瑩,大豐收既又係梓瑩喇 ^O^

鬆弛熊地毯,梓瑩一見到就係咁錫 @~@

可似換帽既鬆馳熊

估吾到梓瑩个頭同鬆弛熊一樣大  XD

竟然飲咗我盒檸檬茶 @@"

梓瑩識行喇

上星期梓瑩只可以係梳化前面既地墊範圍內放胆吾扶嘢行嚟行去,今个星期,佢已經嘗試吾扶嘢行遠些少,如果要行遠d,佢都仲係鐘意拖住我隻手嚟行,係主动嚟拖我 工人姨姨同daddy拖佢,佢都吾肯,只要我拖,真係開心C 不枉我咁錫佢




星期日帶咗佢去愉景新城,今次係第一次拖佢行街街,亦实現咗我過去一年既願望&期待,雖然係行得慢d,但我哋都好滿足同開心

大个女喇,開始識扮靚,呢對鞋型襪仔買咗超過半年,係梓瑩自己係櫃筒揾出嚟要着架,今次係第一次着乍

得戚樣

梓瑩: 老師我有嘢問!

到会展撐舅父Dick塲

由於Mag話我知Dick前"幾日"都成个婆仔咁日日e e 哦哦話想梓瑩去会展撐佢塲,於是我約好Mag一齊俾个surprise 佢 ^_^ 个booth好特別,比其他ge booth 出位&出色得多! 梓瑩亦好開心咁行嚟行去,似乎佢好滿意^^ 等埋舅父Dick收工,我吔就去咗太古打成食飯同shopping,原本諗住再為梓瑩添置多隻鬆馳熊,但最後竟然係我買咗紅色ge鬆馳熊全盒.都纟思算係買咗同鬆馳有關ge嘢啦 Xp

歸家無路蠔涌村民抗議 ~ 東方日報

< Feb 2nd, 2010 ~ Tue >

我哋都係呢70架車ge其中一架! 好高興村民咁圃結,因為初時開居民大会,估計只会有30/40架車,依家有70架,証明大家的確好團結! 希望團結就是力量,逼到政府做佢應做ge嘢! 另外,令其他西貢居民引起不便,我都好抱歉!實在無辦法之下,我哋至決定咁做,呢一步,都係政府逼既! 因為嚟緊既星期四凌晨就会封路,出咗村ge車再返吾到入村,係村入面ge車亦出吾到去,拖到幾時仍係未知之數!

                  **********************************************************

歸家無路蠔涌村民抗議【本報訊】西貢蠔涌新村一批村民，指村內唯一出入車道，去年九月因土地被收回建屋，渠務署又進行擴闊河床工程，致車道被封閉，令該村險些變成「孤島」，惟地政處及民政事務處拖延近五個月，至今仍未開闢新通道，昨晚村民發動七十輛私家車來回西貢公路進行慢駛抗議，事件一度引致大塞車。

村民抗議「無路可歸」。 （左蘭慶攝）

昨晚八時許，七十輛私家車分成十輛一組，在交通警員安排下，分批從南邊圍村出發，沿西貢公路慢駛至西貢市中心碼頭，然後駛回南邊圍村抗議。村民在車上貼上「官逼民反」、「有屋可居、無路可歸」、「車路變死路」等抗議標語，要求政府落實解決方法。慢駛行動令西貢公路大擠塞，出入車輛亦需跟隨抗議私家車慢駛。



村民表示，今日將與西貢地政專員胡錦雯開會商討，如仍然未能解決問題，周日將發動更大規模的慢駛抗議行動，到時將引發整個西貢區大塞車。村民希望政府重視他們的意見，盡快替村民修建出入村的新通道。

再一次面臨無車路返屋企ge威協

Feb 1st, 2010 < Mon >


上星期無端端有个告示牌通知所有車主,村ge唯一車道將会係 Feb 5th 凌晨正式封閉.於是我哋一班村民又要再開大会,商討對策.經大家商討後,決定今晚隻合多架車,慢駛到西貢市中心以示抗議.希望政府同民政署正視村民ge須要,盡快解決事情

估計今次有大概70架車參予,比預期中多! 我哋大概每10架車由警車引路下分批出發,估計有十多架鐵馬,驚車同幾十位警員協助,係呢度真係要多謝佢哋,吾單止無覺得我哋煩,仲教我哋點做 tim

西九"鏈"車

< Jan 31st, 2010 ~ Sun >




今日又約咗舅父Dick 同Mag姐姐去鏈車,目的地係西九龍海濱長郎,原來香巷都有个咁舒服ge吔方俾一家大細郊遊. 呢度可以俾人踩單車,有兒童遊樂塲,仲有好多藝術品. 仲有仲有,有好幾个

"口靚"模俾幾个龍友狂影.我吾知佢哋係咪"口靚"模,只係見到哋化好濃裝(化完都咁醜),衣着奇突,擺出各种嘔心ge pose >L< 唉!梓瑩吾洗化裝都靚過佢哋多多声 XD


越行越熱,頂吾順之下,去咗Elements行街同tea ^_^ 嘩,冷氣 we love you ! 城市人即係城市人 XD