年初時、运程書巳講過屬鼠今年易受狗所傷害、我家有兩隻狗、當然会份外小心、呢点、吾洗运程書講我都知道 ! 所以只會係梓瑩瞓覺之後至会放大狗出嚟、平日佢都会被困係廚房,每隔幾个鈡、工人会放佢出露台大小便、舒展一下. 點知、梓瑩始終俾被狗整傷、唉! 所有事原來早己注定,避都避不過! 事發時.我同爸爸返咗工、工人係露台掠衫、嫲嫲同爺爺係飯廳同梓瑩玩、电話响、嫲嫲去接电話、跨過瞓係廚房門口ge金毛犬、梓瑩想跨過金毛犬跟住嫲嫲、但跨吾過、踩到金毛犬 ! 可能踩中佢要害、金毛犬彈起身、擰轉頭向住梓瑩、就係咁就整傷咗梓瑩左眼肚同額頭‧好彩只係皮外傷、亦無整親眼仔‧我問工人點解会放咗隻狗出聽 ? 佢話可能係因為嫲嫲要去廚房煑粥仔,無閂好个門欄、令隻狗有机可乘 ! 既然事件已發生咗、亦沒法挽救‧我只能再叮囑工人睇緊d.
上周五訂咗批書同玩具俾梓瑩、都係平時playgroup 会做ge嘢、老師話考K1可能会考到、所以我亦急急買教材俾梓瑩多d練習‧ 其實个傻豬識分顏色、但佢偏要擺錯地方、講” no no “ 、至放番啱位、呢个动作又係係 baby tv学番嚟 ! 玩完分顏色就穿吓珠仔、可以練習手眼協調、梓瑩都做到、但好明顯佢吾钟意呢个玩意、 穿咗一粒就算‧ 吾穿珠就睇書啦、佢特別钟意 Teddy Share 呢本,本書以故事形式教小朋友学会分享、梓瑩好專心咁聽我講、講完一次ヌ一次、仲拍晒手掌、令我好有成功感‧
今朝起身、佢又睇書喇、我問佢每頁ge动物、佢大部份都答到‧ Pig, 馬, duck, dog, mouse (無咗s音), cat, cow, bird, 見佢識咁多嘢真係好開心‧星期三朝早我仲同傾計tim 、我同佢講媽媽訂咗書書同玩具俾佢、但要星期四至会送到媽媽ge公司、佢好留心咁聽我講、我問佢等到星期四好吾好? 佢點頭答我好、雖然我吾知佢係咪真係完全明白晒、但佢肯聽同肯答我、我己經好開心、好似真係同佢傾計咁、嗰种感覺好得意 ^3^
沒有留言:
張貼留言