今日終於都抽到時间帶Cotton去剪毛,好彩今日吾多狗狗剪毛,只係等个幾钟就剪完,等候期间,我哋去茶歺廳食lunch,再去西貢碼頭行吓,由於太曬,買咗頂帽仔俾梓瑩,好彩佢肯戴 ^_^ 係碼頭, 梓瑩見到有船,佢会指住講” 船”,當架船駛走,佢仲同架船揮手say bye ! 睇得出佢好钟意海 ^_^ 由於太熱,我哋決定去supermarket涼冷氣買餸,我仲攞起各种老師教過梓瑩ge疏果教佢讀,佢都好專心咁跟我講亦顯得好有興趣,仲指住个青瓜不停講”瓜”,指住apple講 “ple”,好似好好学wo ^3^ 買完餸就去接番Cotton,梓瑩明顯對剪咗毛ge Cotton好咗,不停摸佢,吾再係打佢 XDDD
返到屋企休息咗一陣,我提議去海灘游水,於是我哋攞定水泡等用品,準備5點出發.梓瑩己經好心急,唯有係屋企玩水泡止住渴先啦 XDDD 去到海灘仍然好多車等緊位,好彩我哋只係等咗一陣! 落到海灘,梓瑩己經拎住个水泡等爸爸帶佢落水,今次佢仲学埋浮水,仲識得踢腳tim,佢今次仍然係玩到吾捨得上水.可能開始日落ge關係,d海水都幾凍,但佢仍然玩得好enjoy,吾願走.不過我哋玩到6點9就走喇!我亦promise佢星期六朝早再帶佢去游水,希望快d到星期六啦 ^^
好曬呀爸爸
Cotton: 剪完毛,好爽呀!
梓瑩:幾時出發呀?
爸爸,落得水未呀?
爸爸: 無你乎喇,行啦行啦!
我識浮水呀
沒有留言:
張貼留言