Dinner @ Mega Box

< August 29th, 2010 ~ Sunday >


今日未有特別安排行程,只知道好熱好悶焗,只能諗室內活動! 打算出门口之際,婆婆打嚟叫一齊去飲茶,於是就去飲下午茶! 飲完茶,可能星期六梓瑩打咗2枝針,佢顯得好攰,一上車就瞓,於是我同爸爸決定返屋企俾佢瞓个晏覺,夜晚至出去食飯.佢瞓咗个半鐘至醒,我哋就决定近近地去Mega Box. Play House仍然好多人等,所以我哋只係四圍行,反正對梓瑩嚟講,同我哋一齊佢已經好開心,根本吾在乎玩緊乜 ^_^
我哋今晚食sushi,雖然係坐order 枱,但旁边仍然有sushi 轉過,梓瑩指住d sushi話 "轉,轉", 好彩佢無多手去搞,吾係就全部入晒我哋數喇 @~@   估吾到梓瑩都钟意食sushi,佢食咗蟹肉sushi,燒牛舌同烏冬. 食過ge覺得好味就指住示意要再食.佢見我哋點鼓油,佢ヌ要點,但爸爸嗰碟有好多wasabi,爸爸話要辣吓佢至心息,佢今次真係知驚喇,吾敢再要喇 XDDD

家姐仔 Birthday Party

家姐仔海盈ge正日生日係 August 23rd,由於係星期一,大人都要返工,所以我哋提前係星期六慶祝. 梓瑩同家姐仔玩得好開心,一齊講bb話,好有交流, 家姐仔仲成日塞自已d玩具俾梓瑩tim. 由於當晚做港男决費,呢兩个妹妹仔睇到眼定定,不知幾投入.吾知佢哋係咪真係識睇ge呢 ~L~

梓瑩俾我ge surprise

呢兩个星期,發現梓瑩明顯進步咗! 返Playgroup教穿珠仔,我特登買咗一套返屋企,希望佢多d練習吓小肌肉,但無論上堂定係屋企,佢似乎好討厭呢个練習,可能係因為仲未掌握到點穿,穿極都穿吾到,就失去興趣.但上星期六返playgroup,又要穿珠,每份有5粒珠仔,梓瑩竟然係30秒內快速完成,仲前后穿咗5次咁多.我亦有觀察其他小朋友,有d吾肯穿要周圍走,有1个小朋友穿咗1次就無興趣再穿 …. 呢幾日係屋企佢都好主动攞嚟穿,真係穿得有板有眼架,第時我可以叫佢幫我穿線縫衫囉 XDDD



另一个surprise係,當日放学後,要去家姐仔屋企搞birthday party,途中無無聊,我就問梓瑩 “你叫咩名呀? “ 佢竟然好快咁答咗我 “鄧 梓 瑩”,我以為佢只係撞彩,於是我再問一次,佢都係好快咁答我 “鄧 梓 瑩”, 於是我再問佢”你幾多歲呀?” 佢就伸出1隻手指仔答我 “1歲”. 呢兩个問題已經成為我每日ge口頭禪,如果連自已个名都吾識講, K1可能吾会收架 V_V

呢兩个星期,佢明顯識多嘢又講多咗嘢,見到劉德华个烏龍茶廣告隻馬騮,佢会講Monkey,一見到Hello Kitty就会講Kitty,尋晚我返到屋企,因為爸爸要stay係深圳一晚,佢吾見爸爸入門口,佢就望住門口好失落咁,攤開兩隻手板講 “爸爸呢?” ヌ會主动叫我打电話俾爸爸 …….. 我不得下丞認,个囡大个咗喇 ^_^