梓瑩19个月大 @ 山頂 / Mega Box

< August 15th, 2010 ~ Sunday >



眨吓眼,梓瑩已經19个月大 ! 佢明顯叻咗好多,識指住條片叫poo,再行去廁所門口等我哋!上星期老師教flash card ~ 林柿,一教即曉,吾通佢知道嚟緊中秋要食林柿 ?


呢日一早起身,媽媽急不及係去塭Hello Kitty,原本諗住返屋企,點知舅父Dick打嚟問有咩節目?我提議去山頂,於是即刻掉頭向灣仔出發,join埋舅父Dick同Mag 姐姐就上山頂喇! 原來梓瑩d fans都好国際化,連印度人都吸引到,不停讚佢,仲錫咗佢手背一啖.其实我有d驚架,一來驚有菌,二來驚落降(可能聽得太多恐佈在綫) XDDD 不過我相信个印度女人出於善意ge ^_^

行完室外,就入商場行,唉,女人一入商場就出事! 乜都想買,不過都仲控制到自己.但當我見到Fiona’s Prince,就即刻衝咗入去睇 xp 好彩! 只得一對鞋仔睇得上眼,个sales話係羊皮造ga,有air pad,仲可以有助矯正腳形,我同爸爸摸過都覺得好舒服,就算貴少少都買俾梓瑩 ^^ 之後就去咗遊樂場,有舅父Dick同Mag 姐姐, 梓瑩玩得特別開心,而我同爸爸就可以休息吓 XDDD


舅父話想去Mega Box Jusco 買架超市手推車俾梓瑩,於是我哋即刻轉場去Mega Box,仲行埋IKEA 至去接婆婆放工食飯去.今日過得好充实哦 !