黑仔日

< October 3rd, 2010 ~ Sunday >

好黑仔!竟然係黃埔吉之島超市俾人偷銀包 >L< 由於要去Jusco買嬰兒用洗衣粉,我至会去黃埔 ! 我估呢兩个人渣係嬰兒部開始跟我,因為我係嗰度俾過錢,人渣睇到我放銀包係边!好衰吾衰,嗰日心血來潮用backpack,諗住只係去一陣,吾想拎多个手袋,就係咁就益咗班人渣 ! 去完嬰兒部已即刻去超市,爸爸抱住梓瑩企埋一边,我去揾耶菜,感覺有人撞我後面,我擰轉頭睇,見个印傭(肯定係傭工,我覺得似印傭多d)拎住扎菜,我同佢對望咗大概5秒,佢就同佢隔離个女人講疑似印尼話 … 我望望个backpack無打開到,我亦無理由惡人先告狀,我只好即刻行開, 隔咗幾分鈡,又從後撞埋嚟,我再望一望,个backpack己經打開咗,兩个人渣影都無埋! 我即刻揾保安,但咁大间百貨店竟然揾个保安都咁難,我又即刻打去stop晒所有credit card同提款卡. 雖然報咗警,但警察言語间暗示我報失就算,因為去警署落口供要2,3个鈡,而且我ヌ無証人見到兩个人渣打開我个袋攞走个銀包,再者,又捉吾到呢兩个人渣! 連警察都助長歪风,我呢个小市民又有セ好講 ??!!




< October 4th, 2010 ~ Monday >


今日特登請1日假去補領身份証,回鄉卡,駕駛執照同提款卡 ! 補領費加埋要 $1055 ! 好彩老公陪足我1日之余,又俾晒錢,仲俾我$2000 澤袋,因為未有提款卡,攞吾到錢! 搞掂晒所有嘢已經係4pm,見時间尚早,天未黑,就帶梓瑩去順利村playroom玩吓.就係咁就用咗我1日大假 >L<

                                                 最后買咗張mark 6,老公話物極必反,黑仔完可能会中獎 @@”