遊濕地公園

< March 28th ~ Sunday >
今日天氣好熱,又有太陽,係郊遊好日子,所以又約咗舅父Dick & Mag 姐姐去濕地公園玩,.咁大个公園,只得37个停車位,有無搞錯 我哋只好泊係附近既屋村再行返過去,好彩吾係太遠乍! 梓瑩係呢度玩得好開心,連過晒食奶時间都吾理添,所以我哋行完至係園內既大家樂食下午茶.梓瑩可能餓過籠,食完奶奶仲食咗半件三文治. 食嘢期间,有个小妹妹主动揾梓瑩玩,我諗佢可能大梓瑩6个月左右,梓瑩行到邊,佢就跟到邊,爸爸叫極佢都吾肯走,好搞笑

食完嘢就去海港城 Toysrus 買玩具,佢可能巳經同舅父Dixk & Mag 姐姐玩到癲咗,係車度又要搞搞震,除咗辛苦我扶住佢之外,仲好危險嘛,叫極佢坐好都吾聽,我只好捉佢坐係我大脾,吾俾佢郁,佢勁反抗仲喊添,我覺得佢試緊我既底線,於是我鬧咗佢幾句仲由得佢喊(有眼淚架),喊咗5分鐘見無人理佢就收咗声,我見佢收咗声就同佢講咗幾句道理,鍚番佢同叫佢瞓一陣,瞓醒咗就去買玩具,點知吾洗5分鐘佢就瞓咗喇 我一直都以為我做吾到衰人,会係寵壞梓瑩嗰个,原來我都做到架,因為今次係梓瑩第3次俾我鬧,相信以後仲有大把机会 =D