今日約咗婆婆,公公,舅父Dick同Mag姐姐同遊南丫島,梓瑩第一次搭船,好彩無暈浪,不過佢應該吾知自己已經搭咗船,因為佢全程都掛住同Dick Dick & Mag Mag 玩,玩到顛咗,一上岸佢就瞓咗,於是我哋去咗食个晏,食完嘢,梓瑩亦瞓醒,我哋亦開始起行 ........ 呢日南丫島实在太多人喇,連上落山都要排隊 #L# 去到罟古灣天后廟,廟前有一大塊空地,終於可以係度玩吓支泡泡槍喇 =D 有个細佬女走埋嚟話想借支槍玩,點知高度與角度既問題,支槍撞到梓瑩个額頭,梓瑩喊住揾我要我抱,雖然好搞笑,不過我都有d心痛 :-( 玩完之後,食埋海鮮就坐船返中環喇,一上船,梓瑩又做甜睡宝宝喇 ,雖然今日行到好攰,但真係好開心,因為係全家人一齊去玩,就好似家庭大旅行咁 ^_^
世界十大奇景之一 ~ 舅父餵梓瑩飲奶 XDDD
扭計要媽咪抱
枰塋勁..連"丫丫島" 都去過 ^^
回覆刪除如果出成日街, 妳仲帶唔帶粥仔出街食,還是飲奶only ?
Hon Ma, 我從未試過帶粥仔出街架,梓瑩10个月大開始,我哋会俾佢食粥,意粉同麵飽,去南丫島嗰日,我哋11:30am出發,夜晚9點幾至返到屋企,佢都係跟我哋一齊食,只係3點幾飲過1次奶乍,嗰歺晚飯,佢食咗大人碗ge半碗菜, 半碗魚,同半碗飯.好多架喇 ^^
回覆刪除