上星期六畀梓瑩上 My Kiddy Gym 既試堂,好明顯佢對gym無乜興趣,對打關斗同高低剛仲有恐懼感添.唯有再快快趣揾另一间俾梓瑩試,因為3月頭問咗兩间,都要等waiting list,一等起碼三个月............... 亦可能係無了期.........
今次係上 A Kids (甲子) 既親子班,每次只限6个小朋友,老師教吓天氣,認字,認圖案,唱吓歌仔,跳吓舞 ...... 最有趣既係竟然会做勞作同食茶點
今日既勞作係復活蛋同兔仔,雖然90%係媽媽做既,但我亦有捉住梓瑩手仔去做,奈何,我貼好d貼紙,梓瑩好快手咁揻番落嚟,真係激親,不過其他小朋友都係咁,所以都無乜辦法 落堂之後,爸爸同媽媽都好鐘意呢度,我亦有問梓瑩鈡吾鐘意係度返學,雖然佢未識答我"好"但至少佢吾会灑手擰頭兼say no,因為佢吾鐘意嗰陣,真係会擰頭同講 " no no" 架 既然係咁,我就報咗4堂,每4堂$800,另外仲交咗$50報名費,实則係買書包,罩衣同本學生手冊. 下星期六正式上堂喇,希望佢会開始有老師,返學等等既概念而學識服從
呢间學校係吾俾家長影相架,所以無得影梓瑩既上堂情况,不過老師話佢哋定期会有攝影師拍低上堂实况放係學校既offical website俾家長睇返,咁唯有等吓啦!
沒有留言:
張貼留言