經過兩次試堂之後,今日終於正式返學喇 ^^ 梓瑩今次好合作,叫佢sit down 就 sit down,吾会走咗去,只要老師一唱歌,佢就拍手跳舞. 今次老師考小朋友既都係梓瑩既強項.就係當老師叫小朋友个名時,小朋友要舉手叫"到",當老師問"nose", "mouth" "eyes",小朋友要指俾老師睇係边度.至於今堂既勞作,係用益力多樽貼上好多貼紙,然後加一塊棉花再加入好多綠豆,返到屋企就由父母淋水,希望快d発芽啦 ^_^
放學之後,就去荃灣飲表弟既滿月酒,梓瑩今日好乖,返完學應該巳經好攰,但佢仍然同圍同人碰柸 say hi. 呢个囡真係一个親善大使 ^_^
想問問你地返既playgroup係邊度格, 主要係教d咩格?
回覆刪除梓瑩返呢间叫甲子http://a-kids.org/index2.html 每班最多6个小朋友,少d人,老師就可以更加觀察到每个小朋友ge弱點,再提醒父母多加留意.佢ge模式類似N班,每堂ge流程係小朋友一入課室,可隋意玩玩具,有IKEA kitchen set (我都好想買套返屋企 XDDD) 波波,公仔 ….. 大概玩10分钟,老師会叫小朋友一斉數10下然後放低玩具同玩具say bye.跟住就圍圈坐低,老師同大家一齊數當日ge日期,再問今日天氣點? 会唱天陽伯伯/it’s raining day …. 跟住会教睇flash card,教小朋友card入面ge字,數1-10,ABC,中間ヌ会唱吓歌仔,跟住ヌ会用波波玩具教顏色,要每个小朋友輪住,按老師講ge顏色放入个旋轉筒,老師会用搖鼓同bell叫小朋友一齊唱歌打拍子,老師会叫小朋出嚟攞搖鼓,唱完会叫小朋友攞番俾老師,咁樣係想瞓練服從,因為我見好多小朋友吾肯俾番老師架! 跟住就会做勞作,老師会叫小朋友去推櫈仔埋張大枱度,做完勞作就排隊洗手食點心(星星餅) 老師会叫小朋友輪住攞點心碟,分完餅仔,要唱點心歌,唱完至可以食.食完嘢会玩吓穿山lone,行小型石春路(膠),跟住就唱放學歌放學喇.吾計試堂,梓瑩己经返咗3堂,佢次次都係最尾走嗰个,因為玩到吾捨得走.之前試過gym lesson但佢吾鈡意,有喊,但返呢度,一叫佢sit down就sit down,仲好專心聽miss講故事,佢從無喊過,我都睇得出呢种style ge playgroup 啱佢多d,你都可以試咗堂至决定ga. Good Luck^^
回覆刪除